Голосник

Учытель лемківского языка пильно потрібний

Куратория Освіты во Вроцлаві опубликувала пропозицию роботы про учытеля лемківского языка. Гляданий є специялиста з того простору, про якого Основна Школа в Мальчыцях (нижньошлезскє воєвідство) рыхтує тригодинний вымір роботы тыжньово.

Од учытеля вымагат ся, жебы мал скінчены высшы студия о специяльности лемківскій язык та педаґоґічне приготовліня. Заінтересуваны учытелюваньом в Мальчыцях прошены сут складати документацию до 23. червця/юна т.р. Більше чытайте на сайті кураториі.

Особы, якы хочут ся більше дознати про тото, што зробити, жебы быти учытельом лемківского языка, а неконечно кінчыли лемківску філолоґію на Педаґоґічным Університеті в Кракові, прошены сут о контакт з редакцийом.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі