Голосник

В 72. річницю акциі «Вісла». Явожно

0
29. квітня/апріля 2019 р. до Явожна пришли ведучый Стоваришыня Лемків – Андрий Копча, і предсідатель заряду Стоваришыня «Руска Бурса» в Ґорлицях – Богдан Ґамбаль. В 72. річницю початку акциі «Вісла» ведучы двох найстаршых лемківскых орґанізаций поклали символичны вязанкы квітя і запалили свічку при памятнику, котрый стоіт на земли, де вязнены были Лемкы / Русины і люде інчых наций.

Андрий Копча і Богдан Ґамбаль

Лемківскє упамятніня жертв явожняньского лаґру поставлене было перед двома роками по роках систематичного фальсифікуваня лемківской істориі, поменшаня лемківского терпліня і неспоминаня на Лемків – вязнів явожняньского лаґру двох тоталітаризмів.

Явожняньскій памятник был одкрытый в 2017 р. в рамках лемківскых упамятнінь 70. річниці акциі «Вісла». Видно на ним інскрипцию в трьох языках, в лемківскым, польскым і анґлицкым:

Вязненым і страдавшым
в лаґрі в Явожні
в наслідстві акциі «Вісла»
Лемкам
29 квітня 2017 рока – Потомны

Більше про явожняньскій памятник і упамятніня 70. річниці акциі «Вісла» чытайте за мотузком.

Лемківскє упамятніня в Явожні

Лемківскє упамятніня в Явожні

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар