Голосник

В борбі о Манилову – понедільок, 20.00 год.

85 полк піхоты основаный был в 1883 р. в Кошыцях як част 27. дивізиі австро-угорской арміі. Коменда полку в ріжным часі находила ся в Кошыцях, Відни, Левочы, а в мараморошскым Сіґеті находил ся мобілізацийный та школіньовый баталийон.

Мобілізацийны рейоны полку находили ся в мараморошскым та любочаньскым комітаті угорксого королівства австро-угорской імпериі, котры в тым часі были частю териториі сучасной закарпатской области на Украіні і сусідніх реґіонів сучасной Румуніі та Мадяр. Більшіст жолнірів была украіньской нацийональности, были тіж Румуны і Мадяры.

Просиме выслухати дальшу з прелекций выголошеных вчас Медженародной Конференциі «Зимова война в Бєщадах 1914-1915. Слідами Бєщадскых Левів», котра прошла в днях 25.-26. марця 2019 р. в Tисній. Доктор Юрий Фатула розповіл про 85 полк піхоты. В рефераті взял до увагы мало знаный, але важный епізод борб в Бєщадах – оповіл про борбу о Манилову, в котрій схоснувано саперскы одділіня, жебы высадити в повітря вершок горы разом з тыма, котры єй боронили.

Початок прелекциі 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментарі