Голосник

В Ґладышові буде побудувана нова церков

Як інформує офіцияльний сайт Православного Осередка Милосердя «Елеос», в селі Ґладышів на середній Лемковині буде побудувана нова православна церков. Архітектура храму має своім выглядом навязувати до неістнуючой днес цекрви свв. Космы і Даміана з Незнайовой.

cerkow_neznajowa

Незнаівска церков, фот. Р. Рейнфус. Джерело: Фейсбук.

Храм з Незнайовой был побудуваний в 1780 році в традицийным західньолемківскым стилю. Церков служыла вірным до 1930 р., коли в селі побудувано нову православну церков. Деревяна святыня не была хоснувана од того моменту до періоду выселінь з років 1945-47. Фінальні, завалила ся в 1964 р., а вежа впала 1973 в році.

cerkow_neznajowa1

Фот. Р. Рейнфус, джерело: Фейсбук.

Деякы лемківскы церкви (в Квятони, Рыхвалді, Поворознику, Брунарах), будучы проимірами західньолемківского стилю, были в 2013 році вписаны на Листу Світового Дідицтва ЮНЕСКО. Будуча нова церков в Ґладышові має навязувати до  той традицийной архітектуры.

cerkow_neznajowa_3

Фот. Д. Сабатович, джерело: Фейсбук.

Протягом остатніх 30 років на Лемковині побудувано пару новых церкви. Першу, од часу выгнаня в 1947 р., вознесено в Зындранові, в роках 1983-85. Другы храмы, то м.ін церков св. Владиміра в Креници, або церков в Реґєтові. Вшытыкы они в деякій мірі навязуют до традицийного західньолемківского стилю сакрального будівництва. Сут і чужы архітектонічны влияня – на переломі 80/90. років ХХ в. побудувано нову православну церков в Ґорлицах, а не так давно (в 2014 р.) консекруваний был новий храм в Білянці.

Zyndranowa_-_Church_01 (1)

Церков в Зындранові, джерело: Вікіпедия.

cerkow_regetiw_facebook

Церков в Реґєтові, джерело: Фейсбук.

cerkiew_bielanka

Церков в Білянці, джерело: Фейсбук.


Кєд мате змогу підперти фінансово будову новой церкви в Ґладышові – войдте в сес мотузок.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі