В Войводині основали фундацию «Рутенорум»

0

Вчера, 7. листопада/новембра т.р., вчас засіданя Нацийонального совіту Русинів в Рускым Керестурі, принято постанову про основаня фундациі «Рутенорум» – інформувала про тото пресова аґентура Рутенпрес.

Вчас голосованя, члены совіту через акламацию схвалили покликаня фундациі, яка за ціль буде мала стараня ся про русиньскій маєток, т.є. про нерухомости, леґаты, та рухомы добра і ін., якы сут, і надале будут соспільном власністю Русинів і іх орґанізаций. Вчас вчерашнього засіданя заєдно выбраний был заряд новопокликаной фундациі «Рутенорум». Сідлиско фундациі находило ся буде в Новым Саді.

Серед дальшых пунктів засіданя нашли ся м.ін. предложыня кандидатуры Анамариі Ранкович за директорку Заводу за культуру войводиньскых Русинів і принятя справопису фінансового пляну Нацийонального совіту Русинів за 2017 рік. Совіт єдноголосні підтримал проєкт «Промотер», якій мал бы быти помічний при фаховым рыхтуваню проєктів та гляданя фондів на діяльніст Русинів Войводіны.

Засіданя зачало ся минутом тишы за покійного Михайла Зазуляка.

фот. Рутенпрес

 

 

Share.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.