Голосник

Важна (!) справа про бывшых жытелів Баниці і іх потомных

0

Рейоновий Суд в Ґорлицях опубликувал 25. січня/януара 2018 р. важне оголошыня про бывшых жытелів Баниці (бл. Ізб) і іх потомных. Судове оголошыня є повязане з нерухомым маєтком (лісныма ділянками), правныма властителями якого перед 1947 роком были заселяючы тото село Лемкы.

Справа є пильна, прото што заінтересуваны мусят зголосити ся до ґорлицкого суду найпізнійше до 25. квітня/апріля 2018 р. і выказати своі права до лісных ділянок. Незголошыня своіх прав до реченой даты горозит тым, што суд ствердит засіджыня ділянок Державныма Лісами.

Надлісництво Лося пішло до Рейнового Суду в Ґорлицях з внеском ствердити власніст через засіджыня лісных ділянок находячых ся в обшыри села Баниця. Ведену справу найти мож під сиґнатуром I Ns 878/17.

В залученым долов писмі видны сут три ділянкы о цілковитій обшыри бл. 84 гектарів.

Просиме пошырювати інформацию серед Баничан і іх потомных, якы по 1947 році беззаконно стратили права до лісных ділянок в Баници, ґорлицкого повіту.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар