„Верховина” рыхтує нову платню

0

В листопаді ансамбль Верховина, якій можете не раз чути на антені радия ЛЕМ.фм, вошол до награньового студия в Варшаві і тым самым зачали ся роботы над выданьом новой платні.

Тым разом платня буде інча як попередні, бо нагрывана в сімособовым (лем мужскым) складі. На репертуар нового кружка входят головні козацкы пісні, але являт ся тіж лемківскы і поліскы співанкы. Выданя платні плянуване єст на літо 2015.

Ансамбль Верховина то ґрупа, яка завязала ся в 1991 році при Студентскым Кружку Бескідскых Провідників. Початково ансамбль співал з товаришыньом інструментів, тепер члены Верховины зосередили ся на співі a capella – без інструментів. В іх репертуарі найдеме вельо лемківскых, гуцульскых і украіньскых пісен. Дотепер ансамбль выдал 2 касеты і 5 кружків з етнічном музыком Карпат.

фот. folk24.pl

Share.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од штырьох років доносит о вшыткым, што ся діє на Лемковині. І не лем. Контакт: natalia@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.