VII едиция фотоґрафічного конкурсу «Мій Низкій Бескід»

0

То уж сема едиция фотоґрафічного конкурсу, тема котрого присвячена є красі Низкого Бескіду. «Мій Низкій Бескід» є конкурсом направленым на шкільну молодіж і проходит в двох тематичных катеґориях: люде і культура та природа і архітектура. Орґанізаторами акциі сут Польско-Словацкій Дім ім. Душана Юрковича в Ґорлицях, Містецкій Уряд в Ґорлицях та Польско-Словацкій Дім в Бардийові.

В конкурсі можут взяти участ діти і молодіж, якы любуют ся в фотоґрафуваню. Проходит він в двох віковых катеґориях: до 12-ох і до 20-ох років. Охочы мают за задачу зробити знимкы, котры вкажут красу і специфіку Низкого Бескіду та характерны для него елементы і явиска. Каждий участник може зголосити до конкурсу максимальні 5 фотоґрафій. Роботы мож присылати до 17. листопада/новембра т.р. до 15.00 год.

Конкурс орґанізуваний єст в рамках польско-словацкой спілпрацы і причынят ся до культуральной едукациі діти і молодежи, дає він і участникам можливіст порівнати творчы здібности та естетичну вражливіст  з інчыма учениками з Польщы і Словациі.

Реґулямін конкурсу і зголошыньовий формуляр найдете на сайті www.gck.gorlice.pl.

Share.

О авторі

Наталія Клинковска

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.