Голосник

Вольфґанґ Амадей Моцарт, «З повагом», просит Павел Малецкій – неділя, 20.00 год.

Вольфґанґ Амадей Моцарт то выдатный композитор з Австриі, представник віденьского клясицизму в музиці. Попри Людвіґу ван Бетховені і Йозефі Гайдні, был Моцарт єдным з найважнійшых композиторів епохы клясицизму.

Вродил ся в 1756 р. як семе дзецко Мариі і Леопольда. Отец од наймолодшых років вчыл го грати на фортепіані і на гушлях. Непересічны здібности Моцарт выказувал уж маючы 5 років – товды скомпонувал свій першый твір пн. «Менует і Тріо», а маючы 12 років скомпонувал оперу «Бастєн і Бастєнна», котра вказала ся быти шедевром.

Жыл барз коротко, вмер маючы лем 36 років. За тот час скомпонувал 626 творів. Його музику характеризує мелодийніст, легкіст і свого рода гумор. Улюбеным жанром Моцарта была опера, котру в більшости компонувал в італийскым стилю. Написал тіж більше як 50 симфоний, близко 20 мессий, камеральны та сольовы творы та серенады. Послідній твір написал вмераючы. Вмер во Відни в 1791 р.

В проґрамі выслухате м.ін. його фортепіановых концертів і дакус клясикы інчых клясиків.

Слухайте творчости Моцарта днес од 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі