Волонтер Лемковина Ультра Трейль

Лемковина Ультра Трейль – бодай найшырше знаны змаганя в біганю на Лемковины. Тым разом інформує про можніст долучыня до ґрупы волонтерів. Хоц до зачатку тогорічной подіі стало іщы кус, уж тепер мож зголосити свою участ як волонтер-помічник. Орґанізаторы сут пересвідчены, што коли канидант одповіст сам перед собом потверджаючо на три простіцкы звіданя долучены долов на афішы, то уж може признати, же час на прилучыня до орґаніџацийного тіму Лемковины Ультра Трейль.

Рекрутация волонтерів є необхідна уж през тото, же што рік подія фурт динамічно ся розвиват. Головном базом має быти місто Коросно, але по правді диганяючы ся участникы будут потрібувати спертя і помочы всяди там, де змаганя будут проходити, значыт на ріжных трасах Лемковины. Волонтер буде мал за задачу прим. помагати в бюрі змагань, знакувати трасы, ци хоцбы помагати в выдаваню посыліня. Каждий з волонтерів має мати в рамках того запевнений ночуваня під шатром, ідло, дуже кавы і сатисфакцию. Окрем того буде мож дістати орґанізацийний ґєрок-поляр з лоґом подіі та лемківску многофукнцийну хусту.

Тогорічны змаганя будут проходити в днях 13.-15 жолтня/октобра.

Вісти

Про автора

Севериян Косовскый
Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар