Голосник

XV Радошыцкє Джерелко – Стріча при Граници

Ґміна Команьча, Грекокатолицка Парафія в Команьчы і Ґмінний Осередок в Команьчы просят на XV Радошыцкє Джерелко – Стрічу при Граници, яка буде проходила 19. червця 2014 рока од 11.00 год.
Подія зачне ся од богослужыня при радошыцкій капличці покровы Положыня Пояса Пресвятой Богородиці, пак выступлят ансамблі Лемком з Команьчы, Лем-мы з Команьчы, Дзікє Поля з Кракова, Оркєстра св. Миколая з Любліна і Козак Систем з Украіны. На конец заплянувано забаву з діджейом Блажейом.

В місци де побудувано капличку выбиват джерело з водом, яка має мати оздровлюючу силу. Фондатором першой капличкы был радошыцкій духовний. Побудувал єй в 1878 році в подякуваню за оздоровліня тяжко хворой дівкы. Од того часу багодійне джерелко зачали одвиджати поломникы з обох сторін Карпат. Што рока орґанізувано при каплици кєрмешы. В час війны каплицю знищено, а люди выселено. Під конец ХХ столітя за стараньом о. Йоана Піпкы каплицю одбудувано і од 2000. рока зас зачато стрічати ся при джерелі. Стрічы мают реліґійно-культуральний характер, сут выступы місцевых ансамблів і запрошеных гости.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі