Голосник

«A Я[К]» в Маластові – віторок, год. 20.00

0
Маластів находит ся при дорозі Ґорлиці-Конечна-Бардибів, попід убочами Маластівской Маґуры, в долині потока Маластівка. Жытелі села споминают, што іщы в 70. роках ХХ ст. в ріці мож было найти вельо пстругів, а тепер?

В 1918 р. село не підтримало тзв. Ґладышівской Республикы. В селі фунґувала чытельня Товариства Просвіта. В справописі Товариства за 1932 р. Маластів, разом з Панкном і Ропицьом, причысляный был до сел о найбільшым украіньскым влияню в ґорлицкым повіті. Селяне оповіли ся тіж проти введіню в 30 роках ХХ ст. до шкіл на Лемковині вчыня лемківского языка в місце украіньского. Єден з маластівскых парохів, Юлиян Плешкевич, основал в 1929 р. в Маластові орґанізацию Будова Украіны, котра опікувала ся Лемками, якы вчыли ся в украіньскых середніх школах.

Кєд хочете знати іщы дашто з істориі села, слухайте днес о 20.00 год. проґрам з циклю «A Я[К]…?»

Ниже позерайте на знимкы придорожного креста з 1889 р. з нашого архіву. Більше гев.


A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар