Голосник

З Лемковины на Підкарпатя

Як подає інформацийна аґенция Interfax-Ukraina, маршалок польского сойму Марек Кухціньскій та ведучий украіньской Верховной Рады Андрий Парубій приняли деклярацию про будову новых пунктів переходу границі медже Польском Республиком а Украіном. Польска сторона забезпечыла такой 25 мілийонів евро на будову нового граничного переходу Мальховичы-Нижанковичы. Треба лем, жебы украіньска сторона наконец побудувала дорогу по своій стороні.

Про нас найбільше інтересуюча являт ся деклярация про будову першого граничного переходу на пути з Лемковины на Підкарпатску Русь. Плянуване є оно медже оддаленыма лем 2 кілометры селами Волосате і Лубньом во східных Бескідах. На жаль, в деклярациі надале не споминат ся про дату реалізациі той інвестициі.

Фото: польско-украіньска границя – wikipedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі