Голосник

З Пряшова на літак до Ряшова

0

Жытелі Пряшівской Руси будут мочы просто з Пряшова доіхати курсовым автобусом на летовиско в підряшівскій Ясюнці, а одтамале аж і до Ню Йорка.

Дотеперішнє желізницьове получыня медже Ряшовом а Меджелябірцями буде дополнене новым, котре скомунікує Польщу зо Словацийом. Ряшів буде мал реґулярне автобусове получыня з Пряшовом. 16. лютого/фебруара 2018 р. інтенцийний лист в тій справі в столици підкарпатского воєвідства підписали Маршалок Підкарпатского Воєвідства, Владислав Ортиль, і Ведучий Пряшівского Краю – Мілан Маєрскій.

Од 30. квітня/апріля т.р. урухомлены останут льоты з Ряшова до Ню Йрока. Годины курсуваня автобусів будут достосуваны до годин прильотів і одльотів. Окрем того нове автобусове получыня дозволит жытелям пілнічно-східньой части Словациі хоснувати льоты до інчых части світа, прим. до Тель Авіву. Не знатя іщы, котра транспортова компанія буде занимала ся переіздами. Знатя, што траса зачынала ся буде уж в Кошыцях, а дале ішла буде через Пряшів до Ряшова.

З самого Пряшова ближе єст до летовиска в Кошыцях, з котрого сут орґанізуваны перельоты на другій континент, але для части Пряшівского Краю то летовиско в Ряшові є тым, котре находит ся найближе.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар