За добру роботу на хосен Русинів – торт і ґратуляциі

0

В суботу, 2. грудня/децембра 2017 р., в пряшівскій артистичній кавярни Віола проходили святкуваня 5. річниці початку емісиі радия Русин.фм. З той нагоды з редакторами радия пришли ся стрітити іх прихыльникы, гості, русиньскы діячы і артисты, якы захотіли зажелати і до радийовых мікрофонів повісти слова підпоры. На тій подіі не могло бракнути і репрезентациі радия ЛЕМ.фм.

З Лемковины пришли Анна Масляна і Богдан Ґамбаль, якы подякували за дотеперішню спілпрацу і передали желаня дальшой успішной роботы для розвитку русиньскых медий. Од самого початку радийо ЛЕМ.фм спілпрацує з камаратами з Пряшівщыны, м.ін. вымінят авдициі і реляциі цілю збогатити проґрамовы пропозициі своіх высылань і підтримувати єдніст та приятельскы меджерусиньскы одношыня.

Про початкы радия Русин.фм бесідує його основатель і долголітній шефредактор – Петро Штефаняк.

Share.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.