Запрошыня на посвячыня нового храму в Снині

0

Як уж наша редакция інформувала, ближыт ся высвячыня нового православного храму в Снині. Храм, якій буде під покровом св. Ростислава, высвячаний буде в неділю, 26. листопада/новембра т.р. В торжестві буде брати участ Його Блаженьство Ростислав, архієпископ пряшівскій, митрополита Православной Церкви в Чешскых Землях і Словациі.

Недільне свячыня зачне ся о 7:30 год. од привитаня Блаженнійшого Ростислава в дотеперішнім єдиным православным храмі в Снині, церкви Вознесіня Ісуса Христа, одкале перейде процесия до новопобудуваной церкви св. Ростислава. Дальше, о 8.30 год. зачнут ся богослужыня, вчас котрых пройде посвячыня престола ай цілого храму, а пак Божеска Літургія. 

Православна парохія в Снині была ериґувана в 80. роках ХХ ст. Спомянута єдина дотепер церков Вознесіня Господнього од парох років не старчат чысленній православній громаді. Прото думка побудуваня другого храму вышла в 2006 році. Процес рыхтуваня тырвал бодай 10 років – влони на яр были выляны фундаменты під храм св. Ростислава. Нова церков є деревяным храмом, якій был інспіруваний інчым, якій мал стояти на Донбасі. Більше про історию парохіі та обставины побудуваня святині чытайте в нашій попередній статі.

 

 

Share.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.