Голосник

Згорiла плебанія в Лугax

Дня 30. листопада/новембра т.р. мал місце пожар на плебаніі православной парохіі в Лугax. Оген был достережений через сусідів коло годины 17.30. Доматарів в тым часі не было в хыжы, зато никому ся нич не стало. В пожарничій акциі брало участ 15 стражацкых одділів, котрым над раном повело ся загасити пожар.

Плебанію тоту побудувал 17 років назад отец Артур Ґрабан – парох парафій в Лугах і Березі. Він же веде там Стоварышыня Лемко Товер. До часу нещестливых подій з минулого тыжня, священник жыл в плебаніі разом зо свойом родином – женом і трьома дівками. Там же находила ся документация до ріжных проєктів, архівізуваны документы, компутеры з даныма, як і памяткы, громаджены од 1999 рока. Вшытко такой доцяп згоріло.

Маєток был выцінений на ок. 0,5 млн злотых. Мешканці Лугів і приятелі одраз заняли ся комплетуваньом найпотрібнійшых річы. Завдякы ним родина отримат тымчасово дах над головом. На Фейсбуку орґaнізувана єст збірка пінязів на одбудову плебаніі в Лугах. Деталі найдете за тым мотузком. Пошкодуваных мож фінансово сперти, переводячы грошы на конто:

06 8362 0005 0397 7220 2000 0010
Parafia Prawosławna św. Michała Archanioła w Brzozie.
SWIFT: GBWCPLPP
з наголовком: ODBUDOWA PLEBANII

фото горі: фейсбукова акция помочы в одбудові плебаніі

Шеруй.

О авторі

Avatar

Коментарі