Голосник

Желаня президента Анджея Дуды для православных і вірных католицкых східніх Церкви

0
Президент Польской Республикы Анджей Дуда, уж традицийні, передал різдвяны желаня вшыткым вірным православной і католицкых східніх Церкви.

На інтернетовым сайті президентской канцеляриі опубликуваны были желаня, в якых президент поздоравлят вірных, котры святкуют праздник Рождества Христового за юлияньскым календарьом. Президент вінчує божой благодати, достатку, миру, здоровля в родинах, а заєдно в парохіях.

Анджей Дуда жычыт, жебы прекрасны традициі східнього обряду зробили різдвяны свята іщы більше вынятковыма. В дальшій части двох окремых листів – до православных і вірных католицкых східніх Церкви – президент одкликує ся до упамятнінь в 2018 році 100-літя польской незалежности. Дякує тым, якы долучыли ся до спільных упамятнінь і вінчує, жебы 2019 рік был так само добрый як минулый.

Лист направленый до вірных православной Церкви найдете за тым мотузком, святочны поздоровліня для вірных східніх католицкых Церкви находят за гевсым мотузком.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар