Голосник

Зимовы курсы Бєщадском Лісовом Желізницьом

0
Бєщадска узкоторова желізниця рушат в трасу. Буде возила туристів до кінця зимовых вакаций в кажду середу і суботу.

Бєщадска узкоторова желізниця выстартувала 16. січня/януара 2019 р. до Бальниці. Видокы на обілены горы ґарантуваны, тым більше што в остатніх днях в підкарпатскым воєвідстві впало близко двадцет центиметрів снігу. Орґанізатор переіздів, Фундация Бєщадской Лісовой Желізниці, забезпечат в ваґониках пецикы та теплу гарбату.

Желізниця рушат о 11.00 год. в девяткілометрову подорож до Бальниці, села на польско-словацкій граници. За вершком находит ся знане русиньскє село Осадне. По короткій перерві узкоторовый потяг вертат до Майдану.

Подорож бєщадском желізницьом тырват коло двох годин. Коли трафит ся ден, же барз міцно сніжыт, то додатковом атракцийом явит ся підзераня, як фунґує специяльный плуг, котрый очыщат торы з евентуальнух задувок ци інчых сніговых несподіванок.

Минулого рока в зимовым сезоні желізницьом переіхало ся більше як три тисячы туристів.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар