16. квітня 1941 рока вродил ся Димитрий Поп – філолоґ-славіста, історик-крайознавця, перекладач та культурний діяч русиньской нацийональной орієнтациі на Підкарпатскій Руси. Димитрий Поп єст молодшым братом історика Івана Попа.
По закінчыню технікум в Мукачеві студиювал чешскій язык і літературу на філолоґічным выділі Ленінградского Університету. Разом з братом написали туристычны путівникы Закарпатя та його головных міст – Ужгорода і Мукачева. Успішні робит над кодифікацийом літературного языка Підкатпатской Руси. Єст спілавтором триязычного русиньско-украіньско-росийского словника. Окрем того напечатал книжку Підкарпатксы Русины, іх історичны былины і леґенды і інчы. Составлят підручникы для русиньскых шкіл, бере участ в науковых конференциях.
В роках 2000-2003 был шефом державного Товариства Карпатскых Русинів.
За тым мотузком можете прочытати допис його авторства про тото, же Русины зазнаємили ся зо славяньскым писмом о 125 років скорше, як жытелі Кыівской Руси.