Доброчынний концерт в Любіні

5. червця/юнія т.р., в Любіні одбуде ся доброчынний концерт, на котрым выступлят Кульбаба, 7кропка та хор IV Загальноосвітного Ліцею в Ліґници. Выступліня зачнут ся од 18.00 год. в любіньскым Центрі Культура Муза.

Хоц концерт не буде білетуваний, будут на ним збераны цеголкы, з котрых дохід буде переданий родині бл. п. Анеты Дзямбы, котра померла в січни/януари т.р.

Бл. п. Анета Дзямба (з д. Рыжык) одышла до вічности на сам Новий Рік (за юлияньскым календарьом). Єй рід выводил ся з лемківского села Ставиша. Покійна лишыла мужа, 11-річну дівку та 5-річного сына. Бл. п. Анета Дзямба была членом Кружків Стоваришыня Лемків в Ліґници, а пак в Любіні.

Вічна Ій Памят!