Вернісаж выставы „Ікона” в Ґорлицях

Ґорлицкій Центр Культуры та Польско-Словацкій Дім ім. Д. Юрковича в Ґорлицях просят на вернісаж выставы Ікона, якій одбуде ся 9. січня 2015 рока о 17.00 год. в просторах Польско-Словацкого Дому в Ґорлицях (Рынок 1).

Выстава обнимат выбраны іконы, якы намалювано в Новици в роках 1999-2004 вчас Медженародовых Варштатів Іконописів орґанізуваных Стоваришыньом Приятелів Новиці, Братством Грекокатолицкой Молодежы Сарепта і Катедром Сакрального Мистецтва AKM во Львові.

Каждого рока на варштаты запрашаны сут іконописці з ріжных держав, якы презентуют ріжны школы іконописаня, ріжны церкви та ріжны традициі. Спільна молитва, бесіда і дискусия сут основом варштатів, іх головном ідейом – выміна досвідчынь і знань артистів та спільны меджекультуровы діяня, вымірным ефектом – выдатны іконы.

О тогорічній поварштатовій выставі писали сме за тым мотузком.

Выстава отворена буде в днях 9.-29. січня 2015 р.