Обзерач Природы #30 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 7. мая 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Літо ближыт ся штораз скорше і вартат зачати плянувати гірскы вандрівкы в Татрах, найвысшых горах цілых Карпат. О Орлиным Шляку чуєме барз часто – так позитивні, же хтоси дал раду на тій барз трудній трасі, як і неґативні, же хтоси не вернул одталь жывый. Орлиный Шляк то найбарже вымагаюча гірска траса в польскых горах. Што не означат єднак, же єст то атракция зарезервувана лем для найліпшых. В найблизшым одтинку «Обзерача Природы» дознаме ся докладні, як ся прирыхтувати до той вандрівкы, што зо собом взяти і кілько часу нам треба, жебы перейти тых 5 кіломтерів на высоті выже як 2000 м н.м. Одтинок тот буде остатнім з мінісериі інспіруваной діяльністю подорожника і гірского вандрівника Пьотра Косярского, автора блоґа Мапа Бездорожа.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.