Выголошіня честного председы СКР односно сітуації на Україні (rue, en)

Приносиме вам выголошіня професора Павла Роберта Маґочія, честного председы Світового конґресу Русинів, односно сітуації на Україні.

Україна не є Росія. Карпатьскы Русины не суть Росіянами

Брутална война Росії проти Україны має много подоб і много фронтів, воєньскых і невоєньскых. Єдным з тых невоєньскых фронтів є Російска православна церьков і їй дітина – Україньска православна церьков під Московскым патріархатом.

Десяткы років Україньска православна церьков підпорядкована Московскому патріархату із центром в Києві пропаґовала посередництвом своїх публікацій і роботы многых своїх священиків ідею, же Українці суть галузов єдного російского (русьского) народа, і же Україна мала бы зістати в ґеополітічній сфері Росії.

В рамках свойой боротьбы на невоєньскім фронті україньскы уряды оправдано знепокойовали ся ганебнов діятельностьов Московской патріархалной церькви в рамках своїх граніць.

Мы согласны сьме з „першым меджі рівныма“ в православнім світі, екуменічным патріархом Константінополя – Варфоломійом, котрый недавно выголосив, же Православна церьков у Росії і на Україні – під московскым патріархом Кірілом, „впала до герезы“, і стала інштрументом підпоры загранічной політікы Росії, передовшыткым підпоры проходячой войны проти Україны і їй народів.

Но не сьме нияк согласны з недавныма выголошінями Службы безпекы Україны по розсліджуючіх актівностях односно Україньской православной церькви Московского патріархату в Закарпатьскій области.

Меджі матеріалами, котры ся нашли в просторах найвекшой в реґіоні парохії, Православного Кресто-Воздвиженьского собору в Ужгороді, быв і карпаторусиньскый флаґ а „паспорт“ такзваной Републікы Підкарпатьска Русь. Тоты „найджены предметы“ были описаны як знакы проросійской сепаратістічной актівности в найзападнішім реґіоні Україны.

По перше, не існовала і не існує жадна „Републіка Підкарпатьска Русь“. По друге, карпатьскы Русины (автохтонне выходославяньске населіня Закарпатьской области) суть законопослушныма гражданами Україны, і суть лоялны односно свойой країны в їй сучасній боротьбі о пережытя проти сполочного неприятеля – Путіновой Росії.

Карпаторусиньскы сімболы, включно червено-біло-синього флаґу з ербом, котрому домінує стоячій медвідь, в жаднім припаді не суть проявом політічного сепаразітму. Ерб є з року 1920; быв то офіціалный сімбол реґіону в меджівойновім періоді під чехословацькыма властями; а од 1991-го року служыть як офіціалный реґіоналный сімбол україньской Закарпатьской области. Червена, біла і синя фарба карпаторусиньского флаґу є подобна до державных флаґів дакілько далшых малых славяньскых народів в середній Европі: Чеськой републікы, Словакії, Словенії і Хорватії. Флаґ і ерб суть так само офіціалныма сімболами Світового конґресу Русинів, офіціалной юрідічной орґанізації, яку творять переважно країны Европской унії, і котра є реґістрована в Словацькій републіці.

Україна і далше мусить быти підтримована в боротьбі проти вшыткых неприятелів в їй граніцях і за їй граніцями, але не на шкоду несправедливых обвинінь проти карпатьскых Русинів. Україньскый і карпаторусиньскый сімбол были в бывшім Совітьскім союзі заказаны. Днесь суть синьо-жовтый флаґ Українців, і червено-біло-синій флаґ (з медведьом) карпатьскых Русинів сімболами двох народів, котры, в солідарности із вшыткыма гражданами Україны, мусять перемочі в боротьбі о забезпечіня міру в Европі, і векшу стабіліту на цілім світі.

Академік Павел Роберт Маґочій,
честный председа Світового конґресу Русинів

Ukraine is not Russia. Carpatho-Rusyns are not Russians

Russia’s brutal war against Ukraine takes many forms and has many fronts, both military and non-military. One of those non-military fronts is the Russian Orthodox Church and its surrogate, the Ukrainian Orthodox Church under the Moscow Patriarchate. For decades Moscow’s Patriarchal Ukrainian Orthodox Church based in Kyiv has promoted through its publications and the work of many of its priests the idea that Ukrainians are a branch of one Russian people, and that Ukraine should remain within the geopolitical sphere of Russia. As part of its struggle on the non-military front, Ukraine’s authorities have rightly been concerned with the nefarious activity of the Moscow Patriarchal Church within its borders.

We agree with the “first among equals” in the Orthodox world, the Ecumenical Patriarch of Constantinople, Bartholomew, who recently stated that the Orthodox Church in Russia and Ukraine under its Patriarch of Moscow, Kiril, has “fallen into heresy” and has become a tool promoting Russia’s foreign policy, in particular its on-going war against Ukraine and its peoples.

We do not agree, however, with recent statements of Ukraine’s security services following investigative activity against the Ukrainian Orthodox Church—Moscow Patriarchate in Transcarpathia. Among materials found in the offices of the region’s largest parish, the Orthodox Cathedral of the Saviour in Uzhhorod, were a Carpatho-Rusyn flag and “passport” of the so-called republic of Subcarpathian Rus’. These “finds” were described as indications of pro-Russian separatist activity in Ukraine’s far western region.

First of all, no “republic of Subcarpathian Rus’” has existed or does exist. Secondly, Carpatho-Rusyns (the indigenous East Slavic inhabitants of Transcarpathia) are law-abiding citizens of Ukraine and loyal to their country in its current struggle for survival against the common enemy, Putin’s Russia.

Carpatho-Rusyn symbols, including its red, white, and blue flag with coat-of-arms dominated by an image of a standing bear, are in no way an indication of political separatism. The coat-of-arms dates back to 1920; it was the official symbol of the region under interwar Czechoslovak rule; and since 1991 it serves as the official regional symbol of Ukraine’s Transcarpathian oblast. The red-white-blue colors of the Carpatho-Rusyn flag are similar to the state flags of several other small Slavic peoples in central Europe: the Czech Republic, Slovakia, Slovenia, and Croatia. The flag and coat-of-arms are also the official symbols of the World Congress of Rusyns, a legal organization made up mostly of countries in the European Union and based in the Slovak Republic.

Ukraine must continue to be supported in its struggle against all enemies within and beyond its borders, but not at the expense of unjust accusations against Carpatho-Rusyns. Both Ukrainian and Carpatho-Rusyn national symbols were banned in the former Soviet Union. Today, the blue and yellow flag of Ukrainians and the red, white, and blue flag (with bear) of Carpatho-Rusyns are the symbols of two peoples who, in solidarity with all citizens of Ukraine, are sure to be victorious in the struggle to secure peace in Europe and greater stability throughout the world.

Academician Paul Robert Magocsi
Honorary Chairman, World Congress of Rusyns