Обзерач Природы #73 – пятниця, 13.00 год.

Природничых чудес можеме глядати не лем на поверхности ґрунту, але прецін тіж в глубинах Землі. Зато в найблизшым одтинку Обзерача Природы підеме на підземну вандрівку через великы яскыні на граници Мадяр і Словациі. Такого богатства карстовых форм як там трудно глядати в інчых частях нашого континенту.

Весіда буде о яскыньовым системі Барадля-Домиця, якій находит ся на пограничы словацкого і мадярского карсту, меньше-більше в половині дорогы медже Кошыцями а Мішкольцом. То там можеме експлорувати прекрасный гірскій реґіон з вельома яскынями, скалами, урокливыма, зеленыма долинами і тихыма селами. Нашу увагу зверне предовшыткым незвычайно ,долга на 25 кілометрів (!) спомнена уж яскыня Барадля-Домиця. Што найдеме в єй середині?

Дознате ся того докладні 31. січня/януара о 13.00 год. Проґрам буде повтаряный в суботу 1. лютого/фебруара о 7.00 год. та в віторок 4. лютого/фебруара о 15.15. До стрічы на (радийовым) шляку!

джерело знимкы: приватный архів автора