«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Карпаторусиньскый общественный і културный діятель Михаіл Завадяк уже быв геройом «Голосів Русинів Підкарпатя». Але маєме честь наново з ним бісідовати по причині выхода на світ новой його книжкы «Былость».
Книжка є автобіоґрафічнов. Як говорить сам Завадяк: «Се мої мемуары». І направду, у споминах нашого героя слідує ся вшыта його жытьова путь од школяря – четвертокласника, через фелшерьску школу і армію, роботу в гірьскых селах, штудії на Ужгородьскій державній універзіті і роботу в санаторіях «Синяк» і «Сонячноє Закарпатя».
Вшыткы 103 історії споминів суть інтересныма, мож повісти – авантурныма. Зато побісідуєме з Михаілом Завадяком за його жывот і мемоары «Былость».
Слухайте «Голосы Русинів Підкарпатя» в середу 2-го апріля 2025 р. о 18.10 год., або повторіня в четверь 3-го апріля о 4.30 год. і в суботу 5-го апріля о 11.00 год. за русиньскым часом.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
