«Голосы Русинів Підкарпатя» – середа, 18.10 год.

Юрій Глеба односить ся до тых керовників, котрых называють «народныма». Народив ся в селі Довгоє в 1960-ім році і мав серенчу з маленького знати ся з леґендарным Михаілом Машкіном – автором безсмертной співанкы «Верховино, мати моя», котрый быв добрым цімбором нянька Федора.

Днесь Юрій Федоровіч говорить, же постава Машкіна в даякій мірі помогла му выбрати собі професію. Зато учіти ся пішов на Ровеньскый державный інштітут културы імени О. Корнійчука.

Як 25-річный став ведучім  Одділіня културы Іршавского района, де за 25 років веджіня зробив много, і перемінив Іршаву на културну столицю Підкарпатя. Юрій Федоровіч много років окремо занимав ся пропаґандов русиньского фолклору в народній фолклорно-обрядовій ґрупі «Иршавська родина».

Од 2006 року Юрій Глеба возглавив Управліня културы Закарпатьской областной державной адміністрації. Маючі практіку з Іршавы взяв ся і ту за реформы културы области. При тім і дале сам брав участь в роботі фолклорных колектівів. Так вєдно з Віров Кобулей зробили серію телевізных обрядово-звыковых фіґлярьскых проґрамів «На фіглі до Марькы Голубинської» і «Цімборські фіглі», якых є понад 20.

Уж тоту середу можете выслухати першу часть бісіды з Юрійом Глебом, друга вас чекать за тыждень.

Слухайте «Голосы Русинів Підкарпатя» в середу 6-го авґуста 2025 р. о 18.10 год., або повторіня в четверь 7-го авґуста о 4.30 год. і в суботу 9-го авґуста о 11.00 год. за русиньскым часом.