«Говорить Пряшів» – пятниця, 18.10 год.

Хыбаль помалы кінчыт ся час фестівалів, фестівальчыків, але і великых Ватр. Тепер уж лем ґу осени. Ближыт ся она незалежно од того, ци єй любиме, ци ніт.

Іщы сме в літі, але при осінній хвили напевно буде нам мильше слухати перше лемківскє радийо. Так днес просиме на «Говорить Пряшів» – іщы фурт літньом пором!

Днес познаме ближе особу владыкы Міляна Хаутура – грекокатолицкого єрархы, емеритуваного кошыцкого єпископа.

Книжниця.фм – Петра Семанцьова – твір «Зазрак мого жывота» – оповіданя (друга част з семох).

Дальше Перличка. В тій части дальше наша еміґрацийна ґазета «Карпатска Русь», яка тым разом пише, же по 1000 роках неволі і про Карпатску Русь приде свобода, лем мусит ся скінчыти война.

А на конец Припоминка. Припомянеме собі, як фунґувала Капітула при Пряшівскій Грекокатолицкій Єпархіі.