«Говорить Пряшів» – пятниця, 18.10 год.

І днесь просиме слухати премєрове высыланя проґраму «Говорить Пряшів», котрый робиме з партнерьскым радіом русин.ФМ.

Представиме собі Золтана Шолтеса – особность Підкарпатьской русиньской малярьской школы, а єдночасно ґрекокатолицького священика.

Книжніця ФМ вам днесь принесе стихы лемківской поеткы і ученой Оледны Дуць-Файфер.

Перлічка днесь принесе статю із ґазеты «Карпатска Русь», котра занимать ся тым, што написали люди із Краю, як дома голод, неуроджай, а і тото мало, што ся доробить, возьме армія.

В Припомінці будеме бісідовати о тім, коли появили ся властно русиньскы політіці. А было то скоріше як Чехословацька републіка.