«Голосы Русинів Підкарпатя» – середа, 18.10 год.

На Пiдкарпатю суть або были такы професії, котрым сам Бог приказав у нас быти. Зато фах вадаса ці рабчиці быв ту фурт, майже з часу появліня чоловіка у Карпатах.

Федур Кохан є потомственным вадасом уже в Н-тім поколіню: обидва діды з нянькового і маминого боку были лісниками у ґрофа Шенборна з Береґвара, а отець у голоднім 1947-ім році не дав родині вмерти з голода, ходячі фурт на вадаску.

Свого першого зайця Ферко убив, коли быв у 4-ій класі, а першу козулю у 6-ій. Вовка, котрого забити про вадаса велика честь, наш герой стрілив, коли мав уже двадцять років.

Звыкы рабчиці помогли Феркови і на войні в Афґаністані. Там розвідник-снайпер Федур Кохан заслужыв два ордены Червеной звізды. Снайпер такый орден діставав, кедь убив не менше як 8 противників. Быв наш герой і раненый, але одказав ся од комісованя і дослужыв службу в Афґаністані.

Дома Ферко закончів Львівскый лісотехнічный інштітут і цілый свій жывот робив на різных роботах, але не забывавучі на гобі – вадаску.

Наш герой перфектно знає карпатьску природу, честує єй і говорить, же чоловік лем тогды буде нормално екзістовати на тій землі, коли буде сокотити вшытко, што довкола нього.

Слухайте «Голосы Русинів Підкарпатя» в середу 22-го октобра 2025 р. о 18.10 год., або повторіня в четверь 23-го октобра о 4.30 год. і в суботу 25-го октобра о 11.00 год. за русиньскым часом.