Обзерач Природы #82 – Поліскій Нацийональный Парк

Продолжаме нашу подорож через нациойнальны паркы в Польщы. В першым одтинку новой сериі Обзерача Природы познали сме таємниці Маґурского Нацийонального Парку, якій находит ся так в серци Низкого Бескіду, як і Лемковины. Де тепер поіхаме?

Будеме експлорувати найкрасшы місця західньой части Поліся – реґіону поділеного днеска на дві державы: Польщу і Білорусь. То як раз там, недалеко од Люблина, находит ся Поліскій Нацийональный Парк, котрый як єдиный в Польщы хоронит болотисты і багнисты обшыри. Єст то вынятковый реґіон під вельома взглядами. Поліскы торфяникы припоминают тундровы ляндшафты і, што інтересуюче – вказуют ся быти найбарже высуненым на полудньовый захід такым типом середовиска в Европі!

В найновшым одтинку Обзерача Природы дознаме ся о істориі основаня парку, його флорі і фауні та о найцікавшых закутинах вартаючых туристичной експлорациі. Сердечні прошу слухати авдицию в найблизшу пятницю 31. жолтня/октобра о 13.00 год. Проґрам буде повтаряный в суботу 1. листопада/новембра о год. 7.30 та в середу 5. листопада/новембра о год. 4.30.

До стрічы на (радийовым) шляку!

джерело знимкы: Якуб Зиґмунт та Рафал Соха (Rafał Socha, Wikimedia Commons, CC BY-SA 4.0)