«Голосы Русинів Підкарпатя» – середа, 18.10 год.

Як повів у єднім з нашых проґрамів народный малярь Україны Василь Свалявчик: «На землі, на котрій на єден квадратный метер два малярі-жывописці, люде мають мати ідеалный естетічный смак. А чувство префайного ниґда не дасть чоловікови вчінити штось недобре.».

Зато днешня наша бісіда буде з іщі єдным підкарпатьскым геніалным майстром пера Борисом Кузьмом.

Борис Івановіч знамный архітектор, ґрафік і жывописець, од 1995-го року член Націоналного общества художників Україны (НОХУ), і од 1999-го року незмінный голова Закарпатьской орґанізації НОХУ. Є лавреатом Премії імеми Й. Бокшая і А. Ерделі у 2000-ім і 2007-ім році. У 2008-ім році Борис Івановіч быв нагородженый Орденом «За заслуги» 3-го ступня. Народный малярь Україны oд 2014-го року, член-корешпондент Націоналного художнього музею Україны од 2017-го року.

Од 2006-го року наш герой выкладач Катедры дізайну Закарпатьского художнього інштітуту (днесь – Закарпатьска академія умень), од 2014-го року є доцентом.

Участник многых выстав на Україні і за граніцями. Окремы роботы Бориса Кузьмы находять ся у музеях Україны, Румунії, Словакії.

Слухайте «Голосы Русинів Підкарпатя» в середу 19-го новембра 2025 р. о 18.10 год., або повторіня в четверь 20-го новембра о 4.30 год. і в суботу 22-го новембра о 11.00 год. за русиньскым часом.