Юлия Дошна і Івона Іскра Криницка оповідают о спільным співаню – четвер, 9.15 год.

Через сім місяців стрічали ся реґулярні, найчастійше при кухонным столі ци в світлици, часом де інде. Юлия Дошна і Івона Іскра Криницка – пара Мастер і Ученик – оповідают о тым, як выглядала іх спільна робота над лемківскыма піснями в рамках стипендияльного проґраму.

О гляданю серед домашніх записків і старых зошытів, о гляданю властивого оддыху, о моментах, коли треба, жебы пісня ся одлежала, нич ся дала заспівати. А предовшыткым о тым, же пісню треба почути, жебы передати правду о ней.

Хоц під вельома взглядами сут так ріжны од себе – Юлия і Івона – основу мают спільну, а то надзвычайну вражливіст, котру тепер передают в піснях. Просиме на бесіду о трудах вчыня, але і о приємности бытя разом.

Емісия проґраму в четвер 27. листопада/новембра тр. о год. 9.15, повторіня в ночы з четверга на пятницю о год. 2.30. Пак проґрам найде ся в подкастах радия лем.фм в секциі Гіст в лем.фм, якы доступны сут за тым мотузком.