Обзерач Природы #93 – Нацийональный Парк Тухольскы Боры

Поморскє воєвідство найчастійше явит ся як популярна ціль для любителів моря і одпочываня на пляжах. Вказує ся, же то не вшытко, што оферує тота част Польщы. В полудньовій закутині Поморя находит ся нацийональный парк, котрый хоронит єдну з найбільшых дикых пущ в державі, а бесіда о Тухольскых Борах.

Нацийональный парк, до котрого поіхаме, єст краіном полном лісів і озер. Єй ляндшафт припоминат видокы з далекой пілночы Европы. Любителі природничых цікавинок найдут гев нетиповы озера званы лобелийовыма. Вода в них єст так чыста, же можеме дозріти ся в них самого дна! Іх присутніст в тым реґіоні має звязок з посліднім зледеніньом, котре уформувало місцеву різбу терену.

Сердечні прошу на зелену вандрівку в найблизшу пятницю 16. січня/януара о 13.00 год. Проґрам буде повтаряный в суботу 17. січня/януара о год. 7.30 та в середу 21. січня/януара о год. 4.30.

До стрічы на (радийовым) шляку!

джерело знимкы: Якуб Зиґмунт / Przykuta (Wikimedia Commons, CC BY-SA 3.0)