Обзерач Природы #94 – Дравєньскій Нацийональный Парк

Посмотрме собі на мапу Польщы, а докладні на погранича трьох воєвідств: західньопоморского, великопольского і любушского. Што ся Вам асоцоює з тым реґіоном? Далеко до великых міст, пару сел, самы лісы і поозеря. Як раз в такій порожній краіні находит ся єден з найменьше знаных в державі нацийональных парків, котрый одвидиме в найновшым одтинку Обзерача Природы!

Дравєньскій Парк бере свою назву од рікы Драва, яка дико собі плыне через густы лісы пілнічно-західньой Польщы. Найбарже незміненый чловеком одтинок єст як раз під правном охороном. Што мож робити в такым місци, де масова туристика іщы не прибыла? Предовшыткым плывати каяком! Більшіст туристів в парку (а не є то великє чысло) корыстат з такой формы активности. Драва єст ідеальном ріком до спокійных екскурсий по воді і черпаня вельох вражынь з часу provedenogo на лоні дикой природы.

На каякову екскурсию прошу в найблизшу пятницю 23. січня/януара о 13.00 год. Проґрам буде повтаряный в суботу 24. січня/януара о год. 7.30 та в середу 28. січня/януара о год. 4.30.

До стрічы на (радийовым) шляку!

джерело знимкы: Якуб Зиґмунт та TomaszPrzezdziecki (Wikimedia Commons, CC BY 4.0)