Обзерач Природы #95 – Словиньскій Нацийональный Парк

Балтийскє Море – не звучыт як топова дестинация на січньову подорож, але треба признати, же штораз більше люди любит іздити на пілніч Польщы зимовом пором, жебы почути шум морскых фаль і одпочати без множества туристів. Єднoм з найкрасшых части польского берега Балтику єст Словиньскій Нацийональный Парк, до котрого поіхаме в найблизшым Обзерачу Природы.

Характеристичныма елементами парку сут не лем приморскы озера, торфяникы, лукы і лісы, але предовшыткым косы збудуваны з рухомых дюн! Спацер нима може быти найбарже чудовым досвідом в жытю!

Більше о красі той обшыри повім уж на антені. Слухайте проґраму в найблизшу пятницю 30. січня/януара о 13.00 год. Проґрам буде повтаряный в суботу 31. січня/януара о год. 7.30 та в середу 4. лютого/фебруара о год. 4.30.

До стрічы на (радийовым) шляку!

джерело знимкы: Якуб Зиґмунт та AjriszZona (Wikimedia Commons, CC BY 3.0)