«Голосы Русинів Підкарпатя» – середа, 18.10 год.

Антона Секереша, виділо бы ся, сама доля обовязала стати малярьом – з першого штока його хыжы видно мукачовскый каштель, гору Стой і знаму полонину Руну.

Позерати на тоту красу і не мальовати єй не мож нияк. Так сам гость нашого проґраму пояснює то, чом выбрав собі професію маляря.

Тот унікатный карпаторусиньскый умелець інтересно і хосенно іде свойов жывотнов стежков: много вандрує світом, быв пару раз у Америці, робить то, што любить. Антон малює і учіть то діточок в Ключарківскій школі умень.

На кінцю бісіды наш герой, выставка якого проходить вже місяць у Мукачовскій галерії, вказав мі тоты образы, котры хранить в себе дома, і котрых бы было доста іщі на пару такых выстав. Префайноє з  різножанровых полотен так ся на ня і двигало, захватуючі і душу, і серце.

Слухайте «Голосы Русинів Підкарпатя» в середу 18-го фебруара 2026 р. о 18.10 год., або повторіня в четверь 19-го фебруара о 4.30 год. і в суботу 21-го фебруара о 11.00 год. за русиньскым часом.