«Голосы Русинів Підкарпатя» – середа, 18.10 год.

Про нас вже не є чудным, коли чоловік, в котрім не тече ани цяткы русиньской кровли, рахує сам себе Карпаторусином. Таке вже было меджі гостями «Голосів Русинів Підкарпатя». І то нас вшыткых дуже тішыть.

Сергій Савчук родив ся в родині етнічных Українців, котры до Середнього, што меджі Ужгородом і Мукачовом, пришли на роботу. У селі, де жыли Руснакы, Словакы, Мадяры, Ромове, Українці і другы народы, Сергій зачав говорити, як мав три рокы, але як мав сім – уж першый раз заграв на свадьбі.

За Підкарпатьску Русь і Русинів наш герой зачув у Голандії, де жыв із женов Надійов Корпош три рокы. Там у 1991-ім році в Гаазі, на уліці Явастріт 40, родина Савчуків звернула ся до Европской орґанізації непризнаных народів, ідентіфікуючі ся Русинами. На то споминать Василь Сочка-Боржавин у своїй книзі. Коли вернули ся на Підкарпатя, они стали актівныма участниками русинського розвоя, а  Надія – неофіціалным секретарьом головы Общества карпатьскых Русинів Івана Туряниці.

Гудак і співак Сергій Савчук написав і пише музику на слова русиньскых поетів – Івана Туряниці, Юрія Чорі, Романа Пищальника, Михаіла Чухрана, Тамары Керчі, Лесі Адамовой-Стецовіч. Свої пісні сам в супроводі акордеона і презентує.

Слухайте «Голосы Русинів Підкарпатя» в середу 22-го апріля 2026 р. о 18.10 год., або повторіня в четверь 23-го апріля о 4.30 год. і в суботу 25-го апріля о 11.00 год. за русиньскым часом.