Сумар дня на 13. липця/юлия 2026 р.

Приносиме вам сумар медияльной ґрупы ЛЕМ.фм+ на ден 13. липця/юлия 2026 р.

Загоріла 15. Русиньска Ватра в Малым Липнику

В минулый вікенд в Малым Липнику проходила 15. Русиньска Ватра, зрыхтувана орґанізацийом молоды.Русины. Тридньовый проґрам подіі был полный музичных выступів – запрезентували ся русиньскы фольклорны ансамблі і солисты з близкой околиці і з дальшых реґіонів, мож было почути русиньскій язык і в модерных выконанях. Кульмінацийным пунктом суботнього вечера было розпаліня великой ватры. На Русиньску Ватру што рока приходят тисячы Русинів не лем зо Словациі, але і другых держав, в тым Лемкы.

Товаришучый проґрам Русиньской Ватры

15. Русиньска Ватра мала і богатый товаришучый проґрам. Як все, на ватряным поли мож было скоштувати традицийны стравы з реґіону – з самого Малого Липника, з села Торискы, а аж і з Жеґєстова. В рамках товаришучого проґраму мож тіж было взяти участ в ріжных варштатах м.ін. народной вышывкы ци сітодруку. Традицийно была тіж школа танця, выстава фотоґрафій і активности про діти. На ватряным поли в Малым Липнику был і стенд Общества Св. Йоана Крестителя, де мож было достати вшелеякы реліґійны публикациі в русиньскым языку, в тым примірникы русиньского тлумачыня Нового Завіту.