«Голосы Русинів Підкарпатя» – середа, 18.10 год.

Радує, коли до русиньского руху прикапчує ся котрась вызнамна постава, бо тогды їй приклад наслідують многы. Але іщі веце радує, коли Русином себе почінать называти інтелектуал, інтеліґент. Бо такы люде принимають котрусь ідею тогды, коли передом добре єй обдумають і проаналізують.

Гость нашого ппроґраму Михаіл Митровка за школованьом фізік, робив у Закарпатьскій телевізії техніка-інжініра. Але уж од штудентьской лавиці він твердо знав, кым є, і гордив ся тым.

Писати стихы зачав у дуже зрілім віці, бо іщі в дітинстві учітель языка одбив му надовго дяку творити. Але потім, трафунком прочітавші писанину (уже на тот час покійного) учітеля, дішло до нашого героя, же сам педаґоґ невалушный быв порозуміти його діточій стишок, бо не дав му Бог нич до того. Тай зачав писати зясь – на ужаньскім говорі русиньского языка.

Слухайте «Голосы Русинів Підкарпатя» в середу 15-го юла 2026 р. о 18.10 год., або повторіня в четверь 16-го юла о 4.30 год. і в суботу 18-го юла о 11.00 год. за русиньскым часом.