Сумар дня на 15. липця/юлия 2026 р.

Приносиме вам сумар медияльной ґрупы ЛЕМ.фм+ на ден 15. липця/юлия 2026 р.

Малый Липник – нове серце русиньской ватры!

В минулый вікенд в Малым Липнику прошла 15. Русиньска Ватра – тридньова подія з музичныма выступами, варштатами і інчыма. О єй особливости оповідат головный орґанізатор – Петро Штефаняк:

Малый Липник то русиньскє село, якє находит ся над Попрадом, а через ріку сусідує з лемківском Андривіком. З каждым роком на Ватру приходит штораз векше чысло Лемків:

– бесідує Алекс Мадзелян з Кракова

– бесідувал Петро Штефаняк.

Переклады літурґічных текстів на русиньскій язык

Ватра в Малым Липнику то не лем концерты, выступы ансамблів і богатый артистичный проґрам, котрый притігат на русиньскє поле толпы гости. То тіж жыва традиция, язык і віра, котры тота подія од років плекат. О тым, же русиньскій язык не єст лем домашнім ци сценічным языком, але і літургічным, оповідат о. Мілян Ясик, председа Общества св. Йоана Крестителя, орґанізациі, котра занимат ся перекладами літургічных текстів на русиньскій язык:

Выстава карпатскых ікон в Білянці

Уж заран о 17.00 год. в Ґалериі Білянка 73 одбуде ся вернісаж выставы Працовні Ікон «Мандиліон». На выставі будут презентуваны іконы авторства Лідиi Трохановской-Пеляк, Анны Трохановской і Мирослава Трохановского. Працовня «Мандиліон» діє од понад 25 років і творит іконы, котры навязуют до традициі карпатского іконопису. Поліхроміі іконописців з працовні «Мандиліон» находят ся м.ін. в цекрви в Гуменным, Бжозі, Люблині, а в храмі в Команчы – іконостас. Выставу буде мож обзерати місяц – до 14. серпня/авґуста.