Русиньскы школярі із Сербії на Літній школі в Попраді

Як інформовавала аґентура Рутенпрес, і тот рік Націоналный совіт Русинів у Сербії – Одділіня про освіту, успішно реалізовав уж девяту Літню школу в Попраді про русиньскых школярів із Войводины, котра проходила в днях 24-го аж 30-го юла 2026-го року.

Тот рік на школу на Словакії путовало 32 школярів із різных школ. Участь брали школярі уз Руського Керестура, Коцура, Дюрдьова, Кулы, Вербасу і Нового Саду, де в школах мають русиньскый язык як рядный предмет або ся на них учіть і русиньскый язык як выберовый предмет. Двоми школярі пришли і зо Сенты, де на школі не учіть ся нияк русиньскый язык, што была в рамках Літньой школы в Попраді новота.

Окрем школярів до Попраду ішли і учітелі русиньского языка, реліґії, історії, а так само быв участный і представитель Націоналного совіту Русинів Желько Ковач.

Діти в Попраді мали годины русиньского языка, історії, реліґії і културы, но так само мали різны забавны актівности, вечеры танця і співу ці ексурзії по околіці. В рамках Літньой школы в Попраді мали можливость видіти і Беляньску яскыню, ішли і до Кошыць ці до Старой Любовні, де собі посмотрили град. Якраз там стрітив ся з нима і председа Русиньской оброды на Словеньску Мартін Караш.