«Голосы Русинів Підкарпатя» – середа, 18.10 год.

Мене фурт бавило єдно звіданя: як роблять ся фрескы на стінах церьквей? Як на вакованій стіні, на ваковці мож сотворити образ, котрый буде нестираємым стороча? Чім візантійскы іконоґрафічны традіції різнять ся од западоевропскых?

Через то мав єм дяку поговорити з малярями, котры розписують храмы на практіці і розуміють ся на тім. Зато коли-м ся познакомив з Миколом Мацуром і Вікторійов Бисьмак, мужом і женов, котры розписують церькви, попросив єм їх дати мі інтервю про наше радіо.

У бісіді Микола і Вікторія розповіли много інтересного о детайлах свойой роботы, процес і резултат. Говорячі з нима зрозумів єм такой, же робота іконописця – то давати людям не лем естетічный образ, сіючі префайноє, але то і передавати в душі пересічных позерателів добро, радость і мір.

Слухайте «Голосы Русинів Підкарпатя» в середу 12-го авґуста 2026 р. о 18.10 год., або повторіня в четверь 13-го авґуста о 4.30 год. і в суботу 15-го авґуста о 11.00 год. за русиньскым часом.