В віторок, 25. серпня/авґуста 2026 р., в Інституті Языка і Русиньской Культуры Пряшівского Унiверситету одбыла ся оборона докторской роботы маґістер Домінікы Новотной.
Докторантка боронила дисертацию пн. «Формы і переміны карпаторусиньской літературы в Зъєднаных Штатах Америкы. Проблем гыбридизациі языковой і культуровой достоменности», котрой промоторами были проф. Петер Каша, а тіж доц. Марек Мiтка. Рецензентами были доц. Iвана Сливкова, проф. Любомир Ґузi і др Нiколяс Купеньскiй. Оборону отворила проф. Анна Плiшкова, директор Інституту Языка і Русиньской Культуры, а серед членів комісиі нашла ся м.ін. др габ. Олена Дуць-Файфер.
Тема дисертацию тыкат обшыри, котра хоц уж скорше была досліджана, то фурт іщы остає недостаточно описана в русиністичных досліджынях. Література творена русиньскыма еміґрантами в ЗША дозвалят призріти ся функцийонуваню языка і русиньской культуры поза європейском обшырю, а тіж перемінам достоменности, якы проходят в обставинах жытя в діаспорі. Особливо інтересуючым аспектом роботы може быти проблем прониканя ся ріжных языковых і культуровых досвідчынь і іх оддзеркаліня в літературі.
По представліню дисертациі і дискусиі комісия рішыла надати Домініці Новотній ступiн доктора. Тым самым закінчыла она тот етап свойой науковой роботы, але – як выходит з єй слів выповідженых підчас обороны – хоче дальше розвивати свою наукову діяльніст.
Дякуючы рецензентам за іх увагы і порады, Новотна підкрислила, же принимат іх як важны вказівкы, котры можут быти хосенны в єй дальшых досліджынях. Оборона докторату стала ся не лем підсумуваньом дотеперішньой працы над дисертацийом, але тіж пунктом выходу до дальшых досліджынь.
То важный крок для русиністикы – явила ся дальша бадачка, яка свою увагу звертат тіж ґу менше розпознаным обшырям русиньского світа. Досліджыня над літературом русиньской еміґрациі в Зъєднаных Штатах Америкы можут быти єдном з тем, котры Домініка Новотна буде розвивала такой в своіх наступных працах.
Сердечні ґратулюєме желаме дальшых успіхів!
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
