Осіння «Бесіда» уж в нашых хыжах

Перед минулом ХХХIV Лемківском Творчом Осіню (одбыла ся в днях 19.-20. вересня/септембра в Бортным і Ґорлицях) явил ся дальшый номер часопису «Бесіда» – пресового орґану Стоваришыня Лемків. То ч. 5 (212) за місяці вересен/жолтен 2026 р.

В посліднім номері прочытаме м.ін. статі:

• Клавдия Новак, Славный долше як 15 минут – выстава «Енді Варголь. Од крискы до леґенды» в Кракові;
• Петро Трохановскій, На розстайных дорогах. Спомин з літа;
• Олена Дуць-Файфер, Єст то язык мойой мамы і мойого няня […] єст то язык мій і моіх діти;
• Андрий Ковальскій, Попрaщали мы оддану членкыню Стоваришыня Лемків (памяти Мариі Дзямбы (1948-2026);
• Наталия Малецка-Новак, Тяжко жыти на чужыні;
• Олена Дуць-Файфер, Миколай Буряк (1903-1986) – лемківскій байкар і гумориста;
• Наталия Малецка-Новак, Драмы Лемків (2);
• Петро Трохановскій, Округле 500 років од битвы під Могачом, або коли векшына Карпатской Руси належала до… Турциі.

Окрем того в новій «Бесіді» можете прочытати першый такій – революцийный текст – пн. Словник як нарядя одзыскуваня языка. Реляция з подіі. Чом революцийный? Бо раз, же не має він автора (чловека), а два, же є твором штучной інтеліґенциі. За зрыхтуваньом того експерименту стоіт проф. Павел Малецкій. Автоматичну транскрипцию стрічы выконал модель ASR Whisper, a єй скорочыня і редакцию ChatGPT 5.5. Переклад на лемківскій очывино за lemko.tools.

Безмінно чытати можете част «Новины, не новины – не лем з Лемковины». Не бракує і выімків з інчых часописів і ґазет, што тыкают нашых справ. Найважнійшым є текст, о якым зробило ся голосно минулого літа. То текст Славка Загірского, якій публикуваный был в ґазеті «Newsweek. Polska» – Jestem Łemkiem. Nie zgadzam się z tym, co mówią o nas Ukraińcy.

Двомісячник «Бесіда» то часопис Головного Заряду Стоваришыня Лемків, выходит од 1989 рока, присвяченый єст збережыню істориі, культуры і языка Лемків, інформуючый о жытю нашой і братніх нам соспільности, плекаючый вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях. Ґазета є тіж доступна в локальных Кружках Стоваришыня Лемків в Польщы.

Найновшый номер, як тіж архівальны номеры часопису «Бесіда» годны сте придбати в електронічній версиі на сайті www.stowarzyszenielemkow.pl.