«Наше і ненаше» – проґрам Роберта Ломбіна з Прагы / неділя, 20.00 год.

Красні просиме на нову словно-музичну авторьску релацію «Наше і ненаше: передставляме музику, културу і людей» в кажду неділю од 20.00 до 21.30. Релацію поведе Роберто Ломбіно з Прагы, довголітній сімпатізант Русинів і русиньского языка.

Можете ся тїшыти на музику з цілой Европы, головні зо словяньскых країн, але подаколи тыж з другых частей світа, од людовых пісень в різных аранжаціях, через фолк і співану поезію аж по джез, а часами іншы жанры. Як доповніня ся дізнате вельо інтересного о презентованій музиці, єй інтерпретах ці народах, од котрых походить.

Кажда релація буде мала гостя, ці уж музиканта, члена єдной з народностных меньшын в Европі або особу звязану з языками і културов.

Перше выданя релації кус шпеціалне, бо намісто бісіды Вам понукнеме награня стрічі з нагоды 15. річніці здружіня Rusíni.cz – Русиньска ініціатіва в Чеській републіці, яка одбыла ся минулу суботу в Домі народностных меншын в Празі.

Члены здружіня повідять подробні о дотеперішній діятельности здружіня, а о музику ся постарать співацька ґрупа Кантар з Прагы вєдно з ансамбльом Столичного джывкы з русинського села Великый Липник на Словакії. Включте ЛЕМ.фм в неділю о восьмій вечур і дізнате ся веце.

Слухайте «Наше і ненаше» в неділю 11. октобра 2026 р., повторіня в понедільок 12. октобра о 5.30 год., і у віторок 13. октобра о 15.15 год.