«Наше і ненаше» – проґрам Роберта Ломбіна з Прагы / неділя, 20.00 год.

Дорогы слухачі, просиме на другу релацію з ціклу «Наше і ненаше», котру приготовив Роберто Ломбіно з Прагы. Тот раз перейдеме ся музичні по Середній Европі, але позреме тыж на Сіцілію ці до Бразілії.

Чекать на вас людова музика, фолк і джез. Окрем того ся вернеме на стрічу з нагоды 15-ой річніці основаня русиньского здружіня в Празі і понукнеме вам бісіду з Марійов Мамрілловов з ансамблю Столичного джывкы з Великого Липника, котрый на стрічі выступив як гость.

Хочете ся дізнати веце? Включте радіо Лем ФМ в неділю 18. 10. о 20:00 год. за лемківскым часом!

Слухайте «Наше і ненаше» в неділю 18. октобра 2026 р., повторіня в понедільок 19. октобра о 5.30 год., і у віторок 20. октобра о 15.15 год.