Обзерач Природы #103 – Што чути внутрі Землі?

В новій сериі Обзерача Природы не смотриме уж на дерева, рослины і цілый жывый світ природы, але позераме на скалы, мінералы і одкрываме таємниці наукы, яком є ґеолоґія. Найновшый одтинок принесе нам правдиву подорож до… середины Землі.

Чым є скала, а чым мінерал – то уж знаме. Тепер підеме дальше і будеме анализувати каждый рід скал, якій выступує во світі. Ґеолоґічну вандрівку зачнеме од глубинных маґмовых скал. Ґраніты, діориты, сиєніты, ґабра… То о них буде бесіда. Призриме ся ім не лем од теоретичной стороны, але тіж практичной. Побесідуєме си, де глядати маґмовы скалы в Польщы і во світі. Рыхтуйте ся на проґрам полный інспіраций до подорожы!

На 103. одтинок Обзерача Природы прошу красні в найблизшу пятницю 13. листопада/новембра о 13.00 год. Проґрам буде повтаряный в суботу 14. листопада/новембра о год. 7.30 та в середу 18. листопада/новембра о год. 4.30.

До стрічы на ґеолоґічным шляку!

Ґеолоґічный словник:
skały magmowe głębinowe – глубинны маґмовы скалы
stygnąć / stygnie – стынути / стыне
kryształ – криштал
zdzierać – здерати
granit – ґраніт
dioryt – діорит
sjenit – сиєніт
gabro – ґабро
anortozyt – анортозит

Джерело знимкы: Wikimedia Commons, A.shteiwi, CC BY-SA 4.0