Приближат ся…

Уж неодолга… выйде дебютантска платня фольково-кантри-батярского ансамблю Лемко Блюґрас Банд зо Лвова.

Материял уж остал записаний. Ансамбль нагрывал на два етапы – найперше інструменты і окремо вокалі. Тепер тырвают роботы над мастерінґом, а найбільше енерґіі занимат выдумуваня назвы для першого альбому ЛББ…
На платни найде ся мішанка украіньскых і американьскых народних співанок, будут тіж і лемківскы пісні та доцяп новы східньо-европейскы істориі, як напр. карпатска Жыдівска ци Лисичка з орієнтальным шліфом. Пониже можете послухати другу част американьской трилоґіі, яка найде ся на платни – гев іщы в робочій версиі, без вокалів.

А гев можете послухати, як звучыт фузия народной музыкы Америкы, значыт ся музыкы кантри, з лемківском народном творчістю – співанкы Ей прид до нас шугаю (Шугай) і Ей, крочком коні, крочком (Коні).

Лемко Блюґрас Банд то ґрупа, яка грат украіньско-американьскій фольк, лемківскє буґі, карпатскій блюґрас, гуцульскій блюс і західній свінґ, а вшытко тото в акутстычным выконаню. Членами ансамблю сут:

• Рост Татомир – вокаль, бузукы, ґітара
• Марік Турканик – гушлі, вокаль
• Арт Каменков – басы
• Алек Марусяк – рогы
• Всеволод Садовий – гармонія, перкусия