Отворены Варштаты в Новици

23. 8. 2014

Пут Ремесла дотер на Лемковину, а властиві – до Новиці. Отворены Варштаты будут проходити в Петра Міхняка – мастера выробу деревяных лжыц і жычок. Буде мож пообзерати, як діє токарня, а і самому выстругати і прикрасити малюнками деревяны лжыці.

Варштаты уж в найблизшу суботу 23. серпня в год. 11-18 в Новици, в хыжы но. 14.

Отворены Варштаты, якы проходят в рамках Пути Традицийного Ремесла Малопольщы, то штовікендовы візиты в ріжных ремісників репрезентуючых загыбаючы професиі. Цілю Варштатів є не лем обзераня выробів творців, але і самодільне іх вытворюваня. То тіж спосіб на захороніня традицийного ремесла і локальний розвиток, бо окрем стріч з поєдныма артистами, на Пути сут іщы скансены, музеі, пленеровы імпрезы, а до спілпрацы прошены остали Маршалковскій Уряд Малопольского Воєвідства, Інститу Етнолоґіі і Культуровой Антрополоґіі Ягайлоньского Університету, Округовий Музей в Новым Санчы, Музей Народной Культуры в Сідині, Етноґрафічний Парк в Выґєзлові, самоурады ґмін малопольского воєвідства і вельо інституций і орґанізаций з реґіону.

Проєкт реалізує Фундация НАДвираз з Кракова. Більше на szlakrzemiosla.pl

michniak

Повязаны дописы

Польковиці 103,8 МHz
Ґорлиці 106,6 MHz

Наш порталь можете чытати чысто дармо, але кєд маш охоту - можеш нас спомочы. Буде нам барз мило!

Жебы спомочы нас даком вплатом, без ниякых зобовязань, втисний притиск або зоскануй код QR.

Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.

Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.